【經過那些年~】秋官當眾笑阿姐：點解你成日可以咪嘴？

【經過那些年~】秋官當眾笑阿姐：點解你成日可以咪嘴？

２０１５－０４－３０




鍾嘉欣同汪明荃及松哥劉松仁孭飛嘅新劇《華麗轉身》，一聽到呢個劇名，就好自然諗起——「經過那些年~~跟你重回那天暑假~~」，洗腦程度已經超越咗《越難越愛》。而阿姐嘅「特別唱歌技巧」，雖然，阿姐係好認真好用功，但其獨特唱腔唔係真係人人都buy。

阿姐曾經喺楊千嬅演唱會上，以「粵劇腔」獻唱《少女的祈禱》，就真係唱出特別味道，不過呢，阿姐唱live，原來唔係成日有機會聽到。今日有周刊報道話，秋官鄭少秋家陣同阿姐主持緊大台某節目，大展唱功。有次錄影，秋官就講笑咁，當住眾工作人員面前，同阿姐講:「點解我同阿姐你都係主持，阿姐你成日都可以咪嘴？點解我次次都要唱live？點解唔可以俾我咪嘴？我恨同你唱live好耐喇。」

……報道冇講到秋官講完呢番說話之後，全場係咪dead air咗……