【前輩講嘢你要聽】點睇新晉導演？ 曾江開玩笑：梗係恰...

【前輩講嘢你要聽】點睇新晉導演？ 曾江開玩笑：梗係恰佢哋

2015-04-29

（攝影：葉君海）(蘋果日報)


鍾景輝﹑曾江﹑黎耀祥﹑陳嘉桓等，今晚出席喺香港大會堂舉行嘅「香港舞台劇獎頒獎禮」，今屆香港電影金像獎最佳男配角嘅曾江，負責擔任頒獎嘉賓，佢頒發最佳導演（悲劇/正劇），結果由《安‧非她命》馮蔚衡獲得。

曾江喺台上被問到，作為前輩點樣睇新晉導演？曾江笑言：「我呢啲見到佢哋梗係恰佢哋，但恰還恰都想佢哋好，我自己諗諗角色點演，導演應該考慮我嘅（角色）設計，然後豐富佢。」

另外，最佳導演（喜劇/鬧劇）則由陳炳釗《後殖民食神之歌》奪得，最佳服裝設計則是譚嘉儀《海達‧珈珼珞》奪得；而最佳男配角（悲劇/正劇），由陳永泉憑《海達‧珈珼珞》獲得；而最佳男配角（喜劇/鬧劇）則由蔡澤民憑《床前十分》奪得。

曾江老戲骨,有佢指點點會唔俾面