泰妍幫Amber featuring惹評擊！網民：「搵Jessica好過。」

【韓流】泰妍幫Amber featuring惹評擊！網民：「搵Jessica好過。」

2015／02／19

泰妍好心幫Amber featuring，點知就被粉絲彈到貼地

韓國女團f(x)成員Amber近日就飛甩隊友，單飛推出solo專輯，喺主打歌《Shake That Brass》MV中搵嚟圈中各方好友義氣演出力撐之外，仲搵嚟同門師姐團少女時代（少時）嘅泰妍幫手featuring首歌，認真有面子。　


泰妍話晒都係少時入面嘅好聲代表，大家原本諗住佢同Amber合唱，粉絲嘅反應一定會好好，點知泰妍竟然調轉頭惹嚟粉絲評擊。


有網友睇完Amber《Shake That Brass》嘅MV之後，就話寧願泰妍唔好參呢首歌，因為Amber根本唔需要靠泰妍嘅幫助嚟引起話題，亦有網友話「Amber已經係一個好好嘅藝人，如果一定要有人助陣專輯的話，我更希望係Jessica。」、「個人嚟睇，泰妍嘅部分同成首歌風格都好唔夾。」、「如果需要一個有力嘅聲音，又要係Amber朋友，Ailee可能會更適合，泰妍把聲太溫柔了。」等。


泰妍好心幫Amber featuring，但得嚟嘅竟然係咁嘅評價，最陰公係網民竟然話搵少時前成員Jessica好過搵佢，真係慘慘豬喇。


另外，少時近日為代言手錶影咗輯新嘅平面廣告相，成員們仲瞓喺床上擺出性感甫士，誘惑到爆。

泰妍其实也不错的 没必要这么攻击

这张照片看着像男女朋友

还没听呢 不知道怎么样