4MINUTE又出事 新碟疑抄2NE1

韓國女團4MINUTE將會喺後日帶住新碟《Crazy》正式回歸，不過隻碟都未正式出街，4MINUTE就已經頻頻出事。

繼日前收錄喺新碟嘅其中一首歌《只唱第一段》因為歌詞敏感嘅關係，被KBS電視台要求修改歌詞之後，今日又有網民指責佢哋新碟嘅概念疑似抄襲女團2NE1。

4MINUTE近日公開咗幾張佢哋新碟嘅造型照，當中幾合成員就各自喺鐵網前面擺pose大放性感，不過有粉絲睇完之後就喺網上話4MINUTE輯相同2NE1喺專輯《Crush》極之相似，仲話：「除咗推測佢哋抄2NE1之外，我諗唔到其他。」

不過亦有網民反擊話：「有人總鐘意將自己鐘意嘅組合同其他組合比較，再將自己鐘意嘅組合放喺高人一等嘅位置。」