超人爸爸宋一國 一人拖三囝環泥灘

韓國綜藝節目《超人回來了》三胞胎爸爸宋一國每次喺節目上，因為要湊住3隻反斗星大韓、民國同萬歲而令自己身心疲累，不過觀眾睇得好過癮之餘，大韓、民國、萬歲同宋一國呢個超人爸爸就愈來愈多人鍾意呀！

今晚播出一集，就會講宋一國帶住3個仔仔去到泥灘玩。原本想俾囝囝玩下新嘢，開心下，點知最後又係搞着自己。因為喺泥灘上面大韓、民國、萬歲好難自己走動，宋一國就大力士上身，搵嚟3個紅色盆裝住3個仔仔，要一人拖行囝囝環灘遊。

一心以為大韓、民國、萬歲第一次見識泥灘會好開心咩，點知大韓、民國、萬歲對於喺泥灘上面被拖行就覺得好怕怕，仲無喇喇喊，搞到原本已經攰到出汗嘅宋一國更加大汗，仲不斷安慰仔仔叫佢哋唔使怕0添。好可惜，大韓、民國、萬歲點都克服唔到，最後宋一國唯有再次出手，一手抱起晒佢哋3個，為佢哋消除恐惧感。

其實，宋一國一個人拖住3個盆喺泥灘上移動已經好唔容易0架喇，而家仲要抱住3隻反斗星，爸爸嘅偉大認真唔講得笑。

另外，早前有網友喺網上post咗張相話宋一國日前帶住3個仔仔去參加仁川亞運聖火傳遞活動嗰時，二仔民國俾人抓傷咗塊面。不過，宋一國日前就澄清話個傷痕係民國自己瞓覺嗰時整傷嘅，唔關人事。



來源: 蘋果日報
2014年9月21日

好可愛喔 爸爸好賣力

二十四孝父親？

三胞胎？
是一胎生的吗？

宋一國一次帶三個.真是超人爸爸

sophia850424 发表于 2014-9-21 19:44
三胞胎？
是一胎生的吗？

是剖腹產生下的.一胎三個

一個都辛苦、何況三個、佩服！

超人爸爸啊！