【來自韓星的你】Surprise因周潤發入行

韓國5人演員組合Surprise上星期日旋風襲港會港迷，吸引五百名粉絲迫爆現場。早前，佢哋接受本報訪問，大談組合嘅發展大計以及當演員嘅契機。

首次來港嘅五子對香港印象極佳，紛紛大讚香港夜景好靚，而且自爆對香港電影情有獨鍾。成員唯一同徐康俊表示最愛睇《英雄本色》，仲因為仰慕周潤發同劉德華而引起當演員嘅興趣。以演員身份出道嘅五子表示，希望未來可以嘗試唔同嘅電影角色，包括武打片、戰爭片、浪漫愛情片等。

憑演出韓劇《別有用心的單身女》同綜藝節目《Roommate》而人氣急升、被封為「國民弟弟」嘅徐康俊，表示自己唔抗拒「國民弟弟」呢個稱號，因為呢個名代表溫柔同細心。當問及私下同《Roommate》室友朴珉宇嘅關係時，徐康俊坦言：「雖然我哋私底下都好想見, 但因為各自嘅工作日程不同而好難約。」

充滿野心嘅五子仲預告，雖然佢哋係演員組合，但目前都積極籌備緊專輯，計劃年尾以歌手身份見大家。



21jpg: 徐康俊

徐康俊也是很令人期待的