【韓流】《復國者聯盟》破600萬入場人次 票房封冠

【韓流】《復國者聯盟》破600萬入場人次 票房封冠


蘋果日報 | 2015-08-02



全智賢主演嘅新片《復國者聯盟》，今日破本年度韓國票房紀錄，反超前封冠。



女神於新片中出盡力，贏盡口碑。 女神於新片中出盡力，贏盡口碑。





由韓國女神全智賢孖黃金拍檔李政宰及河正宇主演嘅新片《復國者聯盟》，自上月22日喺韓國上映後一直口碑極佳，上映唔到兩星期已破600萬入場人次。


而截至今朝韓國時間7時30分，《復國者聯盟》嘅累積入場人次已接近619.5萬，成功反超前由男星李玹雨主演嘅另一猛片《延坪海戰》（602.1萬入場人次），破咗今年韓國本土電影嘅票房紀錄，於「2015年上映的韓國電影」排名中暫時封冠。