【韓流】劉在錫七分褲變泳褲 下衣失蹤晒美腿

    韓國「國民MC」劉在錫繼早前於綜藝節目《Running Man》露底後，
昨日他再於另一節目《無限挑戰》中玩「下衣失蹤」晒美腿。

    於節目中，劉在錫着上JYP事務所老闆朴震榮畀嘅七分褲去到排舞室。
當時劉在錫因為褲太緊而感到非常唔舒服，抱怨：「咁勒住對腿唔掂，點解要着咁嘅褲啊，難受死啦。」
於是劉在錫突然將褲腳捲高，令七分褲變「泳褲」，之後佢又將T恤拉下，變成性感嘅「下衣失蹤」，
令一旁嘅朴震榮都感到驚訝，場面好笑。
另外，《無限挑戰》另一主持HaHa噚日下晝出席於首爾舉行嘅「WATERBOMB 2015」音樂節，
HaHa於活動上high爆玩濕身，非常夏日。