【生擒光洙】港女雌性大發 箍實李光洙：唔俾你走！

【生擒光洙】港女雌性大發 箍實李光洙：唔俾你走！


2015-05-28




奮力追捕但求捕獲暖男光洙嘅你，未知最後能否好似灣仔金紫荊廣場上嘅大媽同大叔咁，成功將之生擒，不過，頭先光洙同熊黛林等拉隊到中環摩天輪拍攝嗰陣，就發生咗啲衝突。事緣當時好多人喺嗰度，又有工作人員又有傳媒又有遊客，以內地人為主嘅遊客又爭住影相，結果你又影我又影場面混亂。韓國嘅工作人員又出晒名「孔武有力」，因而同傳媒起衝突。


至晚上8點幾左右，光洙返番去迪士尼酒店，大批fans(主要係女)衝上前。光洙亦真係非常極之極之nice，有求必應係咁同佢哋影合照，又握手又攬。但班fans點會咁易滿足？係咁喪扯住佢，又攬實唔俾佢走，仲有fans瘋狂到箍住條腰，唔俾佢走，直頭當佢係老公咁樣樣，百般無奈嘅光洙，肉隨砧板上，只得任攬同伸脷。


仲記唔記得頭先咪引述過有女fans喺波鞋街捕獲光洙之後，喺ig貼圖話:「我要拖手仔行旺角呀！我要喺機場設陷阱捉你返屋企的！」


原來係真0架！！！！！！！！