【父女戀】陳凱琳回應同鄭嘉穎關係：係呀，依家開始喇

【父女戀】陳凱琳回應同鄭嘉穎關係：係呀，依家開始喇

2105－05－10

陳凱琳笑道:「依家開始做訪問呀，唔係拍拖。」 (攝影：陳慧安)

「最美麗港姐」朱玲玲、陳凱琳及何傲兒等今晚現身尖沙嘴洲際酒店，出席慧妍雅集嘅慈善舞會。會長陳法蓉及周美欣最性感，陳法蓉話:「今晚個個都好靚，會員都幫手搵到好多贊助，依家雖然未計數，但應該破到好多紀錄。」

同鄭嘉穎傳出「父女戀」嘅陳凱琳今晚都有出席，今日有周刊刊出訪問，其中鄭嘉穎坦言希望有空間約會發展，記者問到陳凱琳兩人關係時，陳凱琳心情勁靚話：「係呀，依家開始喇。」下？

陳凱琳續道:「依家認識當中。(覺得嘉穎點？)拍嗰陣已知係點，佢對對手好好，教我同陸永做戲。」咁兩人係乜嘢關係？陳凱琳笑言:「好朋友。」咁頭先又話「依家開始」？陳凱琳笑道:「依家開始做訪問呀，唔係拍拖。」蝦。

陳凱琳又話，要慢慢用時間認識對方，又讚佢份人好好:「同佢一齊好舒服。」咁即係呢杯cup of tea好飲啦？佢話:「唔識答此問題。」至於嘉穎提到唔排除約會佢，問佢會否單獨約會，陳凱琳笑言：「睇情況，唔係拍戲，大家又得閒，不妨出嚟傾吓偈。」

陳凱琳又話，要慢慢用時間認識對方。




趙雅芝，陳法蓉








何傲兒

我覺得是 陳凱琳 借 鄭嘉穎 人氣上位罷了