《全力扣殺》開畫收76萬 每場平均票房勝《復仇者2》

【港產土炮贏！】《全力扣殺》開畫收76萬  每場平均票房勝《復仇者2》


最後更新: 0508 19:51 / 建立時間: 0508 18:53



噚日開畫累積票房高達$759,661。


由郭子健同黃智享合作執導嘅電影《全力扣殺》，噚日就正式上映，而票房仲好好。噚日開畫單日票房高達$759,661，計埋優先場就合共收80萬，成績相當不俗。


雖然《全力扣殺》嘅上映場次只得180場，但以每場嘅平均票房計，仲高過《復仇者聯盟2》，電影團隊都好開心。


男主角鄭伊健就話會用行動表示支持，佢話：「會繼續去羽毛球場打多啲羽毛球做宣傳！」而林敏驄就話：「多謝支持！真係唔知點報答大家了；只希望院商可以加開更多戲院及場次，讓更多人可以看到這部電影。」



導演郭子健認為觀眾反應同享受這部電影比任何嘢都重要，《全力扣殺》係為觀眾而拍，而唔係為咗票房或者利益而拍，佢話：「睇完電影之後，希望大家看得開心之餘，又領會戲入面嘅一啲訊息就就仲好。」而另一位導演黃智亨表示一路走到今天這一步並唔容易，好多謝觀眾嘅支持。