「主君」蘇志燮上海狂標汗：當眾唱歌感覺手腳都萎縮

蘇志燮噚日喺上海演出
憑韓劇《主君的太陽》而圈咗唔少粉絲嘅蘇志燮，趁未使開工拍新劇《Oh My God》，噚日就現身上海舉行粉絲見面會，同粉絲玩餐飽。

呢次見面會以「旅行」為主題，咪以為蘇志燮見慣大場面，佢依然好怕醜，全程狂標汗要不斷抹。當被問及做演員定歌手令他更為緊張時，蘇志燮笑笑口話：「我好怕當眾唱歌，會覺得唔好意思，感覺自己嘅手手腳腳都萎縮了，寧願去演戲好過。」場面爆笑。

見面會上，蘇志爆大騷手臂紋身又狂rap，令全場粉絲high爆，佢又送出禮物同抱抱畀幸運粉絲，即時引來台下尖叫聲四起。