【韓流】Tao上內地節目大吐苦水：「四年來身邊冇人幫我」

【韓流】Tao上內地節目大吐苦水：「四年來身邊冇人幫我」

2015-07-27




韓國男團EXO嘅退團中國籍成員Tao，近日高調推出個人中文專輯，佢首新歌MV只係喺Youtube上載咗一日，就即刻被SM以侵犯著作權為由，搞到Tao上載嘅5個視頻都被禁播。


SM出狠招對待Tao，Tao亦都作出反擊，日前喺內地節目中就大吐苦水，佢話：「四年之間我一直係一個人，喺我身邊冇人能夠幫我，所有事情都要我自己去解決。」當佢提到對母親及屋企人嘅想念，以及當節目主持安慰佢喺韓國嗰時應該好辛苦時，Tao就引唔住流下眼淚。


不過唔少EXO睇完佢嘅訪問時，即時炮轟佢，話佢講四年以嚟都得自己一個人，擺明就冇當EXO其他成員係兄弟，有粉絲搵返佢之前接受其他節目嘅訪問，佢係節目內有提過得到EXO其他成員嘅照顧，亦都承認同隊中成員世勛感情要好。