朴寶劍見到咁多粉絲,表情幾得意
有怪手偷襲
勁多粉絲接機
挽實助手,幾可愛
由朴寶劍同金裕貞主演嘅人氣韓劇《雲畫的月光》已於本周二圓滿結束,收視再創出新高。
由於《雲畫》開播至今反應咁好,所以早前劇組已宣佈會去菲律賓旅行慶功,而今日朴寶劍等人就齊齊從仁川機場出發去菲律賓,只見朴寶劍今日唔着古裝,變返陽光男孩現身機場,佢現身時有唔少傳媒及粉絲喺現場拍照,朴寶劍表現得相當親民,不時揮手同佢哋打招呼,又展示燦爛笑容。而最搞笑喺朴寶劍現身時仲親暱地挽實助手,好似怕醜小男孩一樣,十分可愛。
而當朴寶劍抵達菲律賓時,原來現場已經有唔少粉絲守候,有粉絲亦喺佢下榻嘅酒店等見Oppa,當朴寶劍落機時見到咁多粉絲都有點愕然。由於現場粉絲太多,所以朴寶劍喺助手保護下慢慢離開機場,但有唔少粉絲都趁機會摸佢,見佢身上出現好多怪手,難怪有粉絲就捕捉到佢搞鬼表情,好似高呼:「嚇死寶寶」一樣。
蘋果日報
|