朴寶劍同着上女裝嘅金裕貞好襯呀
唔知第幾集先出現呢?
朴寶劍同郭東延感情好似好好咁
由朴寶劍同金裕貞主演嘅人氣韓劇《雲畫的月光》喺亞洲各地都爆紅,亦都喺香港嘅Viu熱播中,今晚《雲畫》將播出第11集,當中更會講到金裕貞勸朴寶劍接受國婚,金裕貞嘅女仔身份亦即將被揭穿。
而《雲畫》一眾演員都合作愉快,佢哋不時都會喺Instagram晒合照,或者由劇組工作人員上載花絮照,令粉絲可以睇到鏡頭背後嘅朴寶劍同金裕貞嘅可愛一面。
噚日又有唔少花絮照流出,好似朴寶劍同着上女裝嘅金裕貞拍攝時嘅照片咁,照片中金裕貞唔再着佢件太監衫,反而着上靚靚韓服以女仔打扮見朴寶劍,真係好鬼索。雖然唔知劇情講乜同埋會喺第幾集見人,但見佢哋一臉開心嘅模樣,似乎係談緊情喎。
至於另一張就係朴寶劍同飾演佢貼身侍衛「金兵沿」嘅郭東延合照,郭東延大擺搞笑甫士,而朴寶劍就搭住佢膊頭,好似好老友咁。
香港蘋果日報
|