【韓流】踢走水腫面！李敏鎬靚仔樣代言印尼咖啡

      韓國「長腿Oppa」李敏鎬雖然近日驚現「變幻水腫面」，每次現身塊面都時脹時瘦，令李敏鎬感到困擾之外，網民亦忍不住說他走樣。

    不過海外粉絲同廣告商似乎沒有介意過，日前李敏鎬就得到印度尼西亞某咖啡品牌邀請做代言人，而他拍攝廣告的花絮相亦被公開，見到李敏鎬拎住個杯，望住鏡頭咁嘆咖啡，睇落好似好寫意咁，至於喺宣傳海報上面，李敏鎬就一手拎住咖啡挨喺個欄度好開心咁笑，兩張相都未見到佢有「水腫面」，廣告出嚟效果應該會唔錯。據知，今次係品牌第一次邀請韓國明星做代言人，而咖啡商就表示：「以後喺印尼嘅電視可以成日見到李敏鎬，相信有李敏鎬代言，會有加多人鍾意我哋嘅咖啡，亦可以開拓海外市場。」

而李敏鎬日前就已經喺首爾南山公園、漢江大橋同北村韓屋村等地取景，已經完成所有拍攝，相信廣告好快就會見街。