朴信惠激讚澤演：Oppa係最最最好

韓劇《愛上Pinocchio》女星朴信惠近日因於綜藝節目《一日三餐》中大展廚藝而引起關注，喺噚日播出嘅一集中，佢就變身「朴長今」，熟練嘅刀工同烹飪速度，令主持李瑞鎮、澤演以及製作組都嘆為觀止，不禁感嘆地讚賞：「朴信惠仲有咩係唔識做？」

而朴信惠亦大讚澤演係好男人，表示：「澤演係有人情味嘅Oppa，有人情味、好溫暖、好有趣，都好積極主動，係最最最好。」展現出對澤演嘅好感。

而李瑞鎮喺同節目組嘅採訪中就表示：「我哋於今次嘅錄影中做咗非常多嘅事，雖然信惠嚟之後幫咗好多，但信惠本身令玉澤演多做咗3倍嘅事。」又笑言朴信惠同澤演呢一對係「於鍋中燃點油」，非常鬼馬。

而「朴信惠篇」完結後，下集將由韓劇《愛上哪個我》男星池晟擔任新嘉賓，不過池晟似乎就唔多受兩位男主持李瑞鎮同澤演歡迎。於噚日播出嘅預告中，池晟作為第二位嘉賓登場，不過李瑞鎮因為相較於朴信惠演出時帶來嘅大腸同蜂蜜，對池晟買來嘅雪糕感到失望。

之後李瑞鎮搞笑地玉澤演介紹有女嘉賓時，池晟立即化身《愛》劇中女高中生「安耀娜」嘅人格，用女星語氣講：「見到你好高興，Oppa！」立即引起爆笑。而「模範老公」池晟亦於節目中提及老婆李寶英，大讚對方：「我家寶英煮嘢食好好味！」

From: Apple Daily 2015/05/30

Thank you for sharing